ავსტრიის ჩემპიონატში ოთარ კიტეიშვილის „შტურმმა“ სტუმრად „ლინცი“ დაამარცხა – 4:3. 84-ე წუთისთვის ანგარიში საყაიმო იყო. გადამწყვეტი ქართველი ფეხბურთელის გოლი აღმოჩნდა, რომელიც 87-ე წუთზე გაიტანა: საჯარიმოს კუთხიდან შორეულ ცხრიანში გაახვია ბურთი.
გარდა ამისა, კიტეს შესანიშნავი საგოლე პასით გავიდა “შტურმი” წინ 63-ე წუთზე.
შეფასებები: sofascore – 8.3, flashscore – 8.1.
კიტეიშვილის ანგარიშზე 7 მატჩში 6 გოლი და 2 საგოლე პასია.
ბლაუს-ვაის ლინცი – შტურმი 3:4
გოლები: 0:1 ჩუკვუანი (8), 1:1 რონივალდო (17), 1:2 მალონე (63), 1:3 გრგლიჩი (73), 2:3 ვაისმანი (75), 3:3 ფოფანა (84), 3:4 კიტეიშვილი (87)
„შტურმმა“ ყველა ტურნირზე ზედიზედ მეოთხე გამარჯვება მოიპოვა, 21 ქულით ლიდერია (1 შეხვედრით ნაკლები აქვს ჩატარებული) და შემდეგ მატჩს 23 ოქტომბერს, ევროპა ლიგაზე სტუმრად „სელტიკთან“ გამართავს.
