ოთარ კიტეიშვილისა და გიზი მამაგეიშვილის გრაცის „შტურმი“ ავსტრიის საჩემპიონო ჯგუფის 27-ე ტურში კონკურენტ „ლასკს“ ესტუმრა და ქულები გაიყო – 1:1.
ძირითად შემადგენლობაში კიტეიშვილი იყო და შეუცვლელად ითამაშა, მამაგეიშვილი კი მოედანზე 70-ე წუთზე შევიდა.
ანგარიში მე-10 წუთზე სწორედ კიტეიშვილმა გახსნა: პენალტი გაიტანა.
ქართველ ფეხბურთელს 24 მატჩში 13 გოლი მოუგროვდა, ყველა ტურნირზე კი 36 მატჩში 17 გოლი.
შეფასებები:
კიტეიშვილი: Sofascore – 6.9, Flashscore – 5.6.
მამაგეიშვილი: Sofascore – 6.9, Flashscore – 6.5.
ლასკი – შტურმი 1:1
გოლები: 0:1 კიტეიშვილი (10, პენ), 1:1 კალაიჯიჩი (68)
„შტურმმა“ ბოლო 8 მატჩიდან 4 მოიგო, 4 ფრედ ითამაშა, 28 ქულით ლიდერია და 22 აპრილს „ლასკს“ აქეთ უმასპინძლებს, რომელიც 26 ქულით მე-2 ადგილზეა.
